وايد بنات يخافون يحطون الالوان الفاقعه مثل هذا اللوك اللون البرتقالي والوردي
والصراحه انا وحده منهم :$
بس امس خالتي كان عندها استقبال رفيجاتها بالبيت
وحبيت احط شي يخلي ويهي فرش ونشيط ونااعم حيل خاصه انه كان فيني النوم ههههههههه
حييل طلع حلوو وقلت اسوي عنه بوست
افيدكم فييه
اولا ..
خلوني اتكلم عن عشقي الابدي
شدوات اليانتوووو
ابي اكلهم ههههههههه
حيل حلوين والكواليتي مالتهم خطيره
ناعمين وسهل الشغل فيهم يندمجون مع بعض بسهووله
وشفتوو شلون ناعمين حتى ليمه تلمسونهم ناعمين حييل
ابدا بجفن نظيف
هالمره استخدمة كونسيلر قوي من ميك اب فورايفر لانه ينشف بسرعه ويعطي سطح وملمس
حلو حق هالنوع من الشدو
رقمه 07
باستخدام اللون البرتقالي
احطه في بداية العين عن المدمع
واحاول اني مااحطه على كل الجفن لانه ابي الالوان تبين واضحه
باستخدام اللون الوردي
احطه بنهاية العين ومااصعده لي فوق وايد
علشان ليمه ادمج الالوان اهو راح يرتفع
بس احاول اغمج الالوان علشان بالدمج ماتروح وتختلط مع بعض
ادمجه بشكل ناعم
بحيث مااصعده ليمه الحاجب
باستخدام اللون البني المايل
للبرتقالي
احطه تحت العين
على خط الرمش وادمجه بالنهايه
مع الشدو الوردي
هذا الجل لاينر الاسود خطييير
من @soso_store
السواد اللي فيه روعه
ومايسيح كلش
حطيت خط لاينر ضعيف
هذي الرموش نفس ماك بس مادري شنو اسمهم
حصلتهم من سيتي ستارز
حطيت طبقتين فوق بعض
هذي الخطوه مهمه لانه واايد مرات ليمه نروح صالون ونحط مكياج
من نقوم من الكرسي بسم الله احس مظله على عيوني
لانه يحطونه بطريقه سيده
فاليمه نحط الرموش قبل ماينشف نرفعه بطرف الفرشه علشان يرتفع ومايصير مظله
هذي الاقلام اللي الكل يسالني عنها
الاول من الهنود قولد ليدي
والثاني من ارتيتكوو
حيل حلوين داخل العين ناعمين ومو قاسيين نفس الابيض
قلم الحاجب ماني عارفه وين تحصلونه
لكن اختي شرته من صالون
اضاءه جميله من بوبا رقمها 01
حيل حلوه تحت الحاجب او عند مدمع العين
ملاحظه :
عدساتي فرش لوك اللون الاخضر
كريم اساسي كريولاين
واايد دهني مايناسبني
لكن بما انه كان بالبيت وبليل فحطيته لاني ادري ماراح اتحرك وايد ويدهن بشرتي
اضاءه جممميله اخذتها من مصر اللي تعرف وين احصلها بالكويت
تقول لي رقمها 01
بلشر تحصلونه عند اغلب الهنود
اهو فييه لمعه خفيفه لكن طريقتي اني ادمجه مع الاضاءه
علشان وقت التصوير يعطي فلاش حلو
مني دمجته على الاضاءه
شوفو شلون بالنص مع الفلاش يطلع جمييل
حمرتي كوريه
رقمها 09
الشكل النهائي
instagram @susi_cupcake
twitter @sara_susi
No comments:
Post a Comment