وايد بنات يسألوني عن بشرتي وانها صافيه وحلوه ومشدوده ..
ركزو معاي
انا ماعندي البشره المثاليه
والله انه بشرتي فيها حبوب وفيها اثار قديمه لكن الحمدالله قاعده اعالجها صحيح تطلع لي حبوب وقت الدورة الشهريه
لكن الحمدالله وايد احسن من قبل
قاعده اعالج بشرتي لكن مو بطريقه قويه لانه رحت حق دكاتره واكتشفت انه حبوبي هرمونيه
يعني متى مازعلت متى مااكلت ككاو وايد او جربت فاونديشن غلط تطلع حبوب في بشرتي
لكن الحمدالله عرفت طريقه اسيطر فيها على حبوبي
وعلشان جذي تشوفون بشرتي حلوه
اول شي منتجات بودي شوب كانت بالنسبه لي مأساة كلش مااحبها
لكن من بلشت علاج في بشرتي حيل ارتحت عليهم وفعلا بشرتي تعالجت منهم
اول شي ابلش في الغسول
اليومي
عباره عن غسول من شجرة الجاي
ريحة بالنسبه لي انا احبها لانها علاجيه
بعدها السنفره
مو كل يوم استعلمه على حسب اذا حسيت بشرتي تعبت سويت تقشير
لكن مايمنع انه تستعملونه كل يوم لانه
خفيف وموقوي
التونر
وايد بنات عبالهم انه التونر اهو الخطوه الاخيره
غلط
اذا كنتي بتحطين (ماسك) التونر ينحط قبل الماسك
يعني تشقير
غسول
تونر
ماسك
ترطيب
انتبوو لاتحطون ماسك وبعدها تونر
بعدها الماسك الاكثر من روعه
يبرد
يرطب
يعالج
وينعش البشره
انصح فيه حتى للبشره الجافه لانه ممتاز
هذا المنتج عباره عن سيرم لتصغير المسام
الصراحه
حبيته لكن مفعوله مؤقت يعني حق يوم واحد بس يمكن لازم استمر اكثر واشوف النتيجه اكثر
اذا كانت طالعه لي حبه ومابي احط عليها كونسيلر يخليها تكبر زياده
احط هذا الكونسيلر العلاجي للحبوب
تغطيه فل كفر للحبه وبنفس الوقت علاجي
الحمايه اللي اكثر من عجيييبه للبشره الدهنيه
اهيا من نيتروجينا
خياااال ماتكون طبقه بيضه
او يخلي البشره دهنيه بالعكس خفيف وبسرعه ينشف
ومايخرب المكياج
الكل يعرف منتجات لاش
موجوده بالافنيوز و360
كلها طبيعيه وفريش وممتازه للبشره
هذي الصابونه اللي غيرت بشرتي 180 درجه
مكونه من النبات الاسود
تعالج الحبوب والاثار في البشره
فيها حبيبات تعمل على تقشير الخلايه الميته في الجلد
استعملها كل يوم مره وحده الصبح
الماسك الثاني العجيب
تحطينه عالبشره من غير فرك بعدها ينشف
وليمه تغسلينه تفركين البشره
خيااااااااال
احساس غير
انصح فيه وبقوه
منتج سمعت عنه وايد وقلت لازم اجرب
كلمة فعاااااال شويه عليه
تحطينه بس عالحبه
واليوم اللي بعده حجها يصغر بشكل عجيب واليوم اللي بعده ترووووح نهائيا
هذا المنتج اتوقع راح يظل معاي العمر كله
طبعا العنايه تبدي من الداخل
الحبوب اللي استخدمهم موجودين بصيدليه بوتس بس
استشيرو الدكتور قبل ماتاخذون اي شي
ودايما الاكل الصحي والرياضه الدايمه
اهيا اللي تعطي الحيويه للبشره
بتعالجون وانتو منبحطين بالبيت ماينفع
instagram @susbeauty
twitter @sara_susi
