قبل ماابدي بشرح طريقة عمل شخصية ديدبوول
اولا
انا الحمدالله بشرتي مو حساسه ولا اتحسس من اي شي
في بعض البنات بشرتهم رقيقه حيل تتحسس من اي شي يحطونه حتى لو كان مكياج عادي
ابيكم قبل مااطبقون اي لوك انا اسوي شوفو روحكم تتحسسون من اي ماده معينه
اولا
استخدم صمغ المدارس
ابدا مايكون القوي احطه على الحاجب
ليش اغطي الحاجب
هذا يعمل على انه يكون طبقة حمايه من الصمغ القوي اللي راح احطه بعدين
وعلشان يثبت الشعر ويسوي لي طبقه صافيه
بعد ماحطيت الصمغ على الحاجب انطره ينشف
وعلى ماينشف اييب نايلون الكل يعرفه مال المطبخ
اغطي فيه شعري واذا كنت اصبي روح قرع ههههههه
هذي خوش طريقه حق اللي يقرق وايد لا لا اتغشمر
اقص قطع صغيره من الكلينكس
واحطها على حاجبي
واغطي الفم بعد
الصمغ اللي مستعملته ماراح احطه لانه اخذته
من دايسوو ومادري موثقه فمابي اضر احد
بس اذا تبون صمغ زين سالو محلات المتخصصه بالاقنعه
دمجت لونين فاونديشن
باستخدام الاسفنجه
اغطي فيه ويهي وراسي
هذي علبة الشدو رخيصه حييل اخذتها من الهندي بدينارين
بس استخدمها حق هالشغلات لانه ماتحسف اذا اخترب الشدو
باللون الاحمر
احط مثل كدمات على الجبه
وعلى الفم ايضا
باستخدام خليط من الالوان
الاسود والبني
احدد ويهي واركز على المنطقه صوب الاذن علشان يطلع ويهي ضعيف
باستخدام الالوان الاسود والاحمر والبنفسجي
ارسم كدمات العين
اهم شي دمج الالوان علشان يبين الشكل طبيعي
باستخدام اي لاصق وافضل اللي اييه مع
الاسعافات الاوليه
اقص قطع مستطيله ضعيفه واحطها على الحاجب الايمن
باستخدام قطع من القصدير
والكل يعرفه
هم نفس الطريقه اقص قطع صغيره مستطيله وااحطها
بنفس الاماكن الموجوده عنده
ملاحظه :
يمكن بالشرح والتصوير يبين الشغل حيل سهل
لكن يتطلب صبر ودقه لانه قاعدين نتعامل مع كلينكس ماده رقيقه
وايضا البشره حساسه
اللي ابيه انكم اديرون بالكم من اي ماده تحطونها عالبشره
الشكل النهائي
instagram @susi_cupcake
twitter @sara_susi
No comments:
Post a Comment