how to look like darthmaul from (starWars)

شخصية من شخصيات سلسلة افلام  ستار وورس المشهوره

وحاليا في فلم نازل ويعتبر  الجزء الاخير من سلسلة افلام طويله

طبعا الفلم خيالي اللى ابعد الحدود

لكن ممتع

الخطوات سهله وماتحتاجون الا حق لونين فقط

الالوان اخذتهم من الفروانيه من مجمع العربيد

محل اسمه الزلزله



اول شي ارسم الحلج مجرد تحديد

وبعدها راح نعبي الفراغ

وبعدها نرسم الويه احمر ونحدد الوجه باللون الاسود

علشان تحصلون على اللون الاحمر الغامج

خلطي شوي اسود مع الاحمر علشان يعطي هذا اللون



ارسم الخشم واحاول اكبره من الجنبين

وارسم رقم سبعه من جدام

بنفس النقوش الموجوده على الحنج ارسمها

وعلى برج الخشم ارسم رباعي واصل بينهم  بخط

 وايضا على الجبهه

صورة رسمة العين مسحتها بالغلط سامحوني

لكن رسمت نفس طريقة العين عنده ونازل منها خطين على الخد

وطبعا حطيت لون اسود على ضروسي

ورسمت رقم سبعه على الخد بعد



هذا اللوك عباره عن رسم وخطوط مافي اشياء زياده اركبها حق الشكل

لكن لازم تكونون دقيقين بالرسم علشان تكونون اقرب للشخصيه

الشكل النهائي





instagram @susiibeauty
twitter @sara_susi

how to look like (Edward scissor-hands)

شخصيه حلوه اتوقع الكل يحبهاا 

ودايما هالممثل 

(جوني ديب)

معروف بأدواره الغريبه وتلاحظون يغيب فتره طويله ويطلع بشخصيه خيال 

الفلم مو يديد قديم شوي لكن من انجح افلامه 

التطبيق سهل وكلش مو صعب بس اساسه الكونتور 

وشلون انحت الويه وجم خدعه بسيطه 

نبدي

باستخدام مادة الغراء اغطي حاجبي 

بس لازم قبلها احط صمغ المدارس علشان يحمي الحاجب 

وما يتنتف 

باستخدام العجله من بن نااي تلقوها بمحلات شارمل 

احبها لانه تغطيتها فل كفر كامله وبنفس الوقت خفيفه 

اول شي استخدمة الكريمي الابيض من ميك اب فورايفر 

حطيته على كل حاجبي وبعدها غطيته باللون اللي نفس درجة ويهي 

علشان اتوصل حق لون الشخصيه خلطة اللون الابيض مع اللون المايل للاصفر واللون البني 

لانه اهو ويهه مو ابيض مايل للحنطي 

 ابدا بنحت الوجه 

اوسوي كونتور قوي لانه اهو ويهه بالفلم حييل ضعيف 

الشدو المستخدم 

اللي على اليسار من محلات شارمل 

واللي بالنص من بنفيت 

(moody)

واخر واحد من نيكس

(nude drawn)

ابلش احدد رسمت العين يصير مثل مثلث من فوق ونازل على عيونه 

علشان يعطي شكل الزعلان 

كونتور الخشم لازم قوي او بالنسبه لي لانه خشمه وايد اصغر من خشمي 

وعند راس الخشم احط لون ابيض او كريم الاساس علشان يعطي شكل مرتفع

علشان احصل فتحات خشم نفس جوني ديب 

اسوي مثل مثلث عند فتحات خشمي هذي الخدعه حييل راح تغير في ويهي 

باستخدام الغراء اسوي الجروح المشهور فيها 

وباللون البني ارسم حلجي 

 علشان اعطي شكل حقيقي للجروح احط على صوب لون ابيض والثاني بني 

يسمونه 

3D effect

التأثير الثلاثي الابعاد 

الشكل النهائي 

instagram @susiibeauty

twitter @sara_susi

Snake face ...

اسم المكياج 

snake face

وجة الافعى 

كل شخص يسويها على طريقته الخاصه 

مافي احد نفس الثاني الا اللي بيطبق شغل احد 

سهل وحلوو ويعتمد على الالوان اللي فيه 

نبدي 

اول شي ارسم بالاسود الكريمي  عادي اي اسود عندكم 

احدد الاماكن اللي راح اعبيها بشكل افعى 

وارسم صوب الحلج بعد 

موظروري لكن انا بسوي شق صوب الحلج بعد 

بعدها اعبي بزخرفة جسم الافعى 

الصراحه اول شي ماضبطته بعدها ليمه دخلت الالوان مع بعض صار شكله اضبط 

  

بعد ماتاكد من شكل الرسم اغمج اللي رسمته 

  

ابلش اغمج من جدام عيوني والاطراف 

باستخدام اي لون اخضر متوفر عندكم 

اعبي الفراغات 

 واخذ اللون البني امشي فوق الاسود اللي رسمته لاني حسيت الاسود وايد قاسي عالشكل 

باستخدام الكلينكس ومادة الغراء حطيتها بالبوست الاخير شنو اهيا 

ابلش احطه على اطراف الرسمه 

اول شي احط الغراء على ويهي بعدها احط الكلينكس 

واحط فوق الكلينكس غراء علشان  يمسك ومايطيح

ايضا بالبوست اللي طاف حطيت طريقة عمل الدم 

استخدمه واحطه دار مدار الكلينكس 

والحلج رسمته بالاسود والاخضر ووحطيت الدم دار مداره 

ملاحظه:

عدساتي من البيرق فوق محل تجمييل 

الشكل النهائي 

instagram @susiibeauty

twitter @sara_susi