L'Oreal INFALLIBLE 24H-MATTE foundation
Review
قبل فترة وبالتحديد قبل سفرتي إلى اوروبا وصل عندي ميل من شركة لوريال لتجربة الفاونديشن الجديد
كانت فرصة واايد حلوه اني آخذ الفاونديشن معاي في السفر
للتجربه
الباكج كان يحتوي على 8 درجات فاونديشن وبرايمر
الدرجات كالتالي :
اول اربع درجات
10
11
12
13
تتصنف تحت الاندرتون الوردي البارد وتناسب بشكل كبير ذوات البشره الفاتحه
الدرجات الاربع الباقي
20
24
30
32
تتصنف تحت الاندرتون الاصفر الدافي وتناسب بشكل كبير ذوات البشره الغامجه
خل نتكلم بشكل تفصيلي عن كل رقم
اول شي البرايمر
هذا النوع يحتوي على السيليكون يعني منااسب بشكل كبير للبشره الدهنية لانه يكون طبقة عازله للمسام
ويعطي سطح املس للبشره
المجموعه الاولى
رقم 10
فاااتح جدااا انا استخدمة مثل الكونسيلر تحت العين يعطي إضاءه حلوه
رقم 11
تقريبا يعطي مثل نتيجة رقم 10
ويستخدم مثل الكونسيلر
رقم 12
شوي فيه من اللون الوردي
مناسب للناس اللي عندها احمرار كبير بالوجه
يعطي منظر صحي
رقم 13
اغمج لون من المجموعه الاولى
لكن يظل فاتح بالنسبه لي انا
من اكثر الدرجات اللي تحتوي على اللون الوردي
المجموعه الثانيه
هذي المجموعه تناسب البشره الخليجيه بشكل كبير
رقم 20
لون بيج بس من افتح الوان البيج
ممكن اذا ماحصلتي الدرجه المناسبه لج هذا ينخلط مع لون اغمج او افتح
رقم 24
اكثر درجه تناسبني
انا حنطية البشره
منااسب بشكل ممتاز لي
رقم 30
يناسب البشره المايله للإسمرار
او اللي مسوين تان بسيط
رقم 32
اغمج لون من المجموعه كلها
يعطي منظر التان الطبيعي
للامانه مو غامج واايد يعني اللي بشرتهم سمره حييل ماتناسبهم
رأيي بكل صراحه في الفاونديشن
انا جربته في ثلاث دول مختلفه وبأجواء مختلفه
فرنسا
ايطاليا و الكويت
الفاونديشن كان ثابت في كل الدول حافظ على صفاء البشره وايضا حافظ على توازن
افراز الدهون في البشره
مناسب بشكل كبير للبشره الدهنيه اما الجافه افضل انهم ياخذون النوع الاخر
الكفر والتغطيه توصل إلى فل كفر تغطيه تامه لعيوب البشره
اذا خلص من عندي هل راح اشتري بعد ؟؟
اي نعم راح اشتري منه لانه مناسب للاستعمال اليومي ومناسب للسفر
العيب الوحيد انه ماعندهم لون غااامج حيل للبشره السمرااء
instagram @susiibeauty
twitter @sara_susi
No comments:
Post a Comment