sketched in strokes
تطبيق اليوم حيل بسيط وسهل لكن يحتاج وقت
بسبب الخطوط الكثيره فيه
التطبيق عباره عن رسم الوجهه بشكل لوحه
يعني بالتصوير يبين الوجه جنه رسمة رسام
هالنوع من المكياج للتصوير فقط او للعروض الصامته
لانه يحتاج ثبات وتعابير وجهه جامده
الفرش المستخدمه في التطبيق عباره عن اربع فرش
وحده كبيره للتوزيع على كامل الوجه
و 2 ضعاف للخطوط
والاخيره للدمج بين الخطوط
اول شي باستخدام اللون الابيض من كرايولاين
اوزعه على كامل الوجه
بطريقة الطبطبه
احاول اني مااخلي الوجهه كله ابيض اترك فراغات
علشان يعطيني شكل
3D
من ماركة بن ناي
تحصلونها في مجمع السندس فوق
اللون الرمادي
احط الاساس حق الخطوط و الشكل اللي راح امشي عليه
من ماركة كرايولاين
الالوان المائيه
ليش هالالوان بالذات لانها تعطي شكل الرسمه وايضا
الالوان تكون حيل حاده
باستخدام اللون الاسود
اسوي خطوط عريضه شوي فوق اللون الرمادي
بهالمرحله مايهمني التنسيق لانه ليمه الحين انا في مرحلة الاساس
رسمة الانف و الشفايف
حاولو انكم ماتكبرون الانف وايد لانه شكله راح يطلع مو حلو
اما الشفايف عادي لكم مطلق الحريه بالرسم
والحين مرحلة التدقيق
مو شرط هالاينر عادي استخدم اي شي متوفر
بس انا افضل هالنوع لانه حيل غامج
ابلش ارسم واحدد الرسمه بالضبط مثل ما ابي
صوب العين والانف و الشفايف
اخر خطوه الدمج بين الالوان
انا استخدمة اللون التيفاني
موشرط تقدرون تستخدمون اي لون
ادمج الخطوط
وادخل اللون التيفاني بين الخطوط
الشكل النهائي
instagram @susiibeauty
twitter @sara_susi
No comments:
Post a Comment